Lamtumirë Luli! Ndahet nga jeta vëllai i presidentit të "Yldon Media Group", humbi betejën me Covid-19

Nga OraNews Përditësimi i fundit 18 Gusht 2020, 08:17

Ndahet nga jeta vëllai i presidentit të "Yldon MediaGroup", Ylli Ndroqi.

Lulzim Pasmaçiu humbi betejën me COVID-19 në orët e para të mëngjesit të sotëm, 18 gusht 2020. Ai  ishte shtruar prej disa ditësh në spitalin COVID-2 "Shefqet Ndroqi".

Ditët e fundit kishte shfaqur shenja përmirësimi, por pavarësisht kesaj, nuk mundi t'i mbijetonte virusit vdekjeprurës.

Vetë zoti Ylli Ndroqi bëri të ditur lajmin e humbjes së papritur të vëllait në moshën 60 vjeçare përmes një postimi në rrjetet sociale.

Postimi ne rrjetet sociale i presidentit te Yldon Media Group, Ylli Ndroqi

Prej 29 vitesh, Lulzim Pasmaçiu mbante postin e koordinatorit në kompaninë e "Yldon Media Group"

I gjithë stafi mediatik i "Yldon Media Group" i përcjell ngushëllime familjarëve për humbjen e të dashurit të tyre.

Ceremonia private - Për shkak të pandemisë së koronavirusit përcjellja për në banesën e fundit e Lulzim Pasmaçiut, vëllait të presidentit të “Yldon Media Group”, Ylli Ndroqi do të bëhet private.

Familja kërkon mirëkuptimin e të gjithë të afërmve e miqve, për pamundësinë e pritjes së ngushëllimeve e të ceremonisë së përcjelljes në kushtet e detyrimit për të respektuar rregullat e mbrojtjes së shëndetit të gjithësecilit.