Listat e hapura, Andoni: Lëvizje taktike e Ramës, dhimbja më e madhe kur sheh që ndihet shumë mirë përballë kësaj opozite
Nga OraNews Përditësimi i fundit 10 Korrik 2020, 16:51
Pranimin e listave të hapura dhe përjashtimin ekoalicioneve parazgjedhore, analisti Ben Andoni i sheh si lëvizje taktike tëkryeministrit Rama.
Në një intervistë për ''RTV Ora'', Andoni tha se Rama ndihet shumë mirë përballë kësaj opozite, dhe se kjo është dhimbja më e madhe për elektoratin shqiptar.
Sipastij, kryedemokrati Basha duket sikur shkon më shumë mbas lojës sëkryeministrit, sesa paraprin me vizionin e tij.
Ben Andoni: ''Është thjesht një lëvizje taktike. Zoti Rama ndihet shumë mirë përballë kësaj opozite, kjo është dhimbje më e madhe sot për të gjithë elektoratin shqiptar. Erdhi momenti që mbas 8 vjetësh, ne të kishim një lloj reflektimi dhe t'i besonim më shumë kësaj opozite. Duket që zoti Basha shkon më shumë mbas lojës së zotit Rama, sesa vetëparaprin me vizionin e tij.''
''Është në pozitë inferiore që në momentin që është larguar nga parlamenti, paçka se vendimi u mor nga Këshilli i lartë i PD-së. Ka qenë lëvizja më e gabuar taktike e tij. Të gjitha këto janë pasojat e kësaj lëvizjeje. Duke futur dhe idenë që ai është jashtë parlamentit, ai komisioni politik që u krijua, duket sikur është i favorizuar. Duket sikur është më shumë i favorizuar për një make up para njerëzit e tij, sesa para publikut shqiptar, dhe kjo e bën Ramën të luajë në të gjitha format.''
Inrervistoi në studio Xhoi Malësia, përgatiti për online Renato Çaushi.
Lexo edhe: Rama heq koalicionet: Jemi për lista të hapura, nuk punoj për humbjen e PS
