Trualli në Karaburun, arrestohen noterja dhe avokati, në kërkim biznesmeni
Nga OraNews Përditësimi i fundit 1 Qershor 2016, 09:14
Policia e Vlorës ka arrestuar një avokat dhe një notere për shpërdorim detyre dhe falsifikim dokumentacioni, në vijim të hetimeve të Prokurorisë për një truall 220 ha truall në Karaburun, i cili u sekuestrua. Pas hetimeve 3 mujore, blutë shpallën në kërkim dhe një biznesmen nga Vlora, i përfshirë në këtë çështje.
Policia e Vlorës ka arrestuar një avokat dhe një notere për shpërdorim detyre dhe falsifikim dokumentesh, ndërsa u shpall në kërkim një biznesmen. Arrestimet janë në vijim të sekuestros së 220 hektarë truall në gadishullin e karaburunit, me vlerë 100 milionë euro, pronë e cila pas hetimeve 3 mujore, ka mundur të zbardhet se është përvetësuar përmes falsifikimit të dokumentave. Blutë kanë arrestuar 35-vjeçarin, Enkes Hysendhima me profesion avokat dhe Belona Serajn 29 vjeçe me profesion notere, ndërsa u shpall në kërkim biznesmeni 52-vjeçar P.P.
Nga hetimet e Prokurorisë ka rezultuar se për tokën e sekuestuar në Shën Vasil, janë kryer transaksione të ndryshme, duke u tjetërsuar tek persona të tjerë, veprim që është pasqyruar më pas edhe në regjistrat e ZVRPP Vlorë, me qëllim fshehjen e origjinës së pasurisë. Një ditë më parë Ministri i Drejtësisë, Ylli Manjani, urdhëroi nisjen e proçedurave të verifikimit ndaj noteres të përfshirë. Në rast provimi të shkeljes së ligjit, tha Manjani, do të merret masat deri në heqjen e licensës së profesionit.
