Dhjetë vjet nga pavarësia e Malit të Zi
Nga OraNews Përditësimi i fundit 21 Maj 2016, 18:23
Mali i Zi shënon sot 10-vjetorin e pavarësisë.Më 21 maj të vitit 2006, qytetarët e këtij vendi, përmes votës në referendum, kanë mbështetur pavarësinë nga Serbia.Për suksesin e referendumit ka qenë e nevojshme mbështetja e së paku 55% të votuesve.Vota pro pavarësisë e pakicës shqiptare ka qenë vendimtare.Kuvendi i Malit të Zi paraprakisht kishte miratuar Ligjin për referendum, në përputhje me rekomandimin e Bashkimit Evropian.Presidenti i Kosovës, Hashim Thaçi, mori pjesë në shënimin e 10-vjetorit të pavarësisë së Malit të Zi së bashku me liderë të tjerë rajonalë e botërorë.Mali i Zi ka njohur pavarësinë e Kosovës në tetor të vitit 2008, tetë muaj pas shpalljes së saj.
