Diamandi rozë 15.38 karat del në shitje nga Sotheby's
Nga OraNews Përditësimi i fundit 10 Maj 2016, 18:34
"Unique Pink" diamandi unik në ngjyrë rozë plot 15.38 karat është prezantuar për mediat në Gjenevë, një javë përpara se të dalë në ankand për tu shitur, nga shtëpia e ankandeve Sotheby's.Sipas drejtorit ndërkombëtar të divizionit të diamandeve, David Bennett, ky gur është diamandi më i madh dhe me formën më të rrallë ngjyrë rozë që ka dalë ndonjëherë në shitje dhe sipas tij ai mund të shitet 28-38 milionë dollarë.Ky diamand është i kategorisë 2A, që do të thotë se në mbarë botën vetëm 2% e diamandeve të gjetura janë të kësaj pastërtie, duke e bërë këtë gur vërtet të rrallë dhe unik.Në muajin nëntor, diamandi më i madh rozë që u shit nga shtëpia e ankadeve Christie's arriti vlerën rekord të 28.55 milionë dollarë dhe ishte 16.08 karat.Gjithashtu në nëntor të vitit të shkuar, një diamand i madh ngjyrë blu, një nga më të rrallët në botë e që u vlerësua përpara ankandit për tu shitur nga 35-55 milionë dollarë, në fakt u shit për 48 milion nga shtëpia e ankandeve Sotheby's.Ankandi për diamandin unik pink do të mbahet në Gjenevë më 17 maj.
/Oranews.tv/
