2.527 fëmijë në Shqipëri jetojnë në situatë rruge, Klosi: Shoqëria të reagojë
Nga OraNews Përditësimi i fundit 13 Prill 2016, 18:12
Vetëm në kryeqytet numërohen rreth 700 fëmijë që janë në situatë rruge, ndërsa në total numërohen rreth 2527.Në ditën ndërkombëtare të mbrojtjes së fëmijëve në situatë rruge, Ministri i Mirqënies Sociale, Blendi Klosi, ka deklaruar se tashmë janë ndërmarrë një sërë nismash për të ndihmuar këta fëmijë, por përsëri ka probleme. Klosi i ka bërë thirrje qytetarëve që të denoncojnë çdo rast të fëmijëve në situatë rruge. Në ditën ndërkombëtare të fëmijëve në situatë rruge, Ministri i Mirëqënies Sociale, Blendi Klosi, i bën apel shoqërisë që të bëhet pjesë e denoncimeve nëse konstatojnë raste të tilla në mënyrë që tu vijnë në ndihmë këtyre fëmijve.Në bazë të një studimi kombëtar, konstatohet se në rang vendi numërohen rreth 2 mijë e 527 fëmijë që jetojnë në situatë rruge dhe vetëm në Tiranë numërohen 700 të tillë.Blendi Klosi: E gjithë shoqëria do duhet të reagojë si një e vetme në rastet e shfaqura apo të evidentuara të fëmijëve në situatë rruge apo të çdo dhune që shfaqet tek fëmijët apo tek grupet vunerabël.Ministri, Blendi Klosi, bëri me dije tashmë të gjitha qendrat e përkujdesit shoqëror në vend janë kthyer në qendra pritje për fëmijët në situatë rruge.
