Shqipëria renditet e 5-ta, 65.935 shtetas kërkuan azil në vitin 2015

65.935 është numri i shtetasve shqiptarë që kanë kërkuar azil në vendet e Bashkimit Europian gjatë vitit 2015. Informacioni që vjen nga raporti më i fundit i Eurostat, i cili bën me dije se 5% e emigrantëve në vitin që lamë pas kanë ardhur nga vendi ynë. Në dokument paraqitet gjithashtu edhe destinacioni i më i kërkuar nga shqiptarët që është Gjermania, vend në të cilin ka patur 53.805 kërkesa për azil. Ndërkohë, raportohet se në vitin 2015, ka patur një rekord sa i përket numrit total të kërkesave për azil, teksa shifrat i kanë kaluar 1.2 milionë persona. Eurostat ka publikuar raportin më të fundit për azil-kërkuesit, në të cilin bëhet me dije se në total, 65.935 shtetas shqiptarë kanë aplikuar për azil në vendet e Bashkimit Europian. Sipas dokumentit, destinacioni më i kërkuar nga shqiptarët ka qënë pikërisht Gjermania, në të cilin janë depozituar gjithësej 53.805 aplikime. Vendi ynë është renditur në vendin e pestë sa i përket vendeve nga prej kanë ardhur edhe shumica e kërkesave për azil, duke u vendosur pas Sirisë, Afganistanit, Irakut dhe Kosovës.Edhe numri i shtetasve kosovarë që kanë kërkuar strehim në vendet e Europës perëndimore ka qënë tepër i lartë, me 68.885 aplikime, duke shënuar kështu pesë përqind të totalit të kërkesave.Në terma të përgjithshëm, Eurostat njofton se në vitin që lamë, mbi 1.2 milionë emigrantë kanë udhëtuar drejt vendeve të BE-së me shpresën e qëndrimit të përhershëm. Kjo shifër është dy herë më lartë se ajo e regjistruar në vitin 2014.Largimet më masive kanë qënë nga Siria ndikuar edhe nga lufta civile që vijon prej pesë vitesh. Qytetarët sirianë kryesojnë listën me 362.775 kërkesa për azil.Nuk mbeten prapa as dy vendet e tjera të lindjes së mesme, që janë Afganistani dhe Iraku, me respektivisht 178.230 si dhe 141.535 kërkesa. Vendi që ka pritur më shumë refugjatë ka qënë Gjermania, e cila në vitin që lamë pas ka strehuar 441.800 azil-kërkues.

Raporti i EUROSTAT për azilkërkuesit në vendet e BE-së