Haxhinasto pret Ambasadorin e ri të Kuvajtit, e njeh me mundësitë për investime
Nga OraNews Përditësimi i fundit 2 Shkurt 2016, 15:57
Ministri i Transportit dhe Infrastrukturës Edmond Haxhinasto priti sot në një takim Ambasadorin e ri të Kuvajtit në Shqipëri, Fayez Mishari Al-Jassim.Ministri u ndal te nevoja për të forcuar bashkëpunimin e mëtejshëm në sektorët e ndryshëm të ekonomisë.Haxhinasto e vlerësoi si shumë pozitiv bashkëpunimin me fondin e zhvillimit Kuvajtian, për ndërtimin e disa rrugëve si Bypass-it të Durrësit dhe Ndërtimi i Nyjes dhe Rrugëve Paralele Vorë.Ministri e njohu Ambasadorin Al Jassim, me prioritetet e zhvillimit të infrastrukturës dhe mundësitë për investime të huaja.Ai u ndal në projektet e lidhjeve me vendet fqinje, veçanërisht në korridorin Adriatiko-Jonian.Haxhinasto e siguroi Ambasadorin Al Jassim për kushtet e favorshme për investime në infrastrukturën e vendit.
