Sulm terrorist në një Universitet në Pakistan, të paktën 21 të vrarë
Nga OraNews Përditësimi i fundit 20 Janar 2016, 08:12
Katër militantë të armatosur qëlluan për vdekje 21 persona teksa plagosën të paktën 60 të tjerë në një Universtitet në veri-perëndim të Pakistanit. Ngjarja e rëndë zgjati për disa orë, ku ekstremistë të grupit terrorist të talebanëve hapën zjarr dhe morën peng dhjetëra studentë, përpara se të vriteshin nga ushtria vendase. Dy prej tyre u goditën në distancë nga snajperat, ndërkohë që dy të tjerët u vranë pas një shkëmbimi zjarri në brendësi të godinës.Dëshmitarët u shprehën se militantët bërtisnin "Allahu është më i madhi". Ata thanë gjithashtu se në ndërtesë u përhap panik dhe se të gjithë ishin të frikësuar."Kishte kaq shumë panik dhe frikë saqë një miku im u hodh nga dritarja e universitetit. Ndërtesa është shumë e lartë dhe ai u hodh sepse u frikësua shumë. Mund t'i dëgjoja militantët teksa bërtisnin fraza të ndryshme që lidheshin me besimin mysliman."Qeveria ende nuk ka etiketuar ndonjë grup përgjegjës për sulmin, por e ka cilësuar atë si një akt terrorist. Ndërkohë, talibanët e Pakistanit, e kanë marrë përsipër autorësinë, duke thënë se janë militantët e tyre, ata të cilët kanë hyrë në ndërtesën e Universitetit.
