Tenton të vjedhë një filial Banke, arrestohet në flagrancë i riu nga Durrësi
Nga OraNews Përditësimi i fundit 5 Dhjetor 2015, 12:19
Policia e Korçës ka arrestuar në flagrancë një 23-vjeçar ndërsa po tentonte të vidhte filialin e “Raiffeisen Bank” në këtë qytet.Ngjarja është regjistruar mbrëmjen e të premtes së 4 dhjetorit 2015, në lagjen nr 9 në Korçë, ku Ismet Lushi, banues në Manëz – Durrës ka thyer xhamin e filialit të “Raiffeisen Bank” e më pas ka hyrë brenda, duke tentuar të vjedhë.Por ndërhyrja në kohë, e shërbimeve të Policisë, bëri të mundur kapjen dhe arrestimin në flagrancë, të këtij shtetasi.Materialet i kaluan Prokurorisë së Rrethit Gjyqësor Korçë, për veprat penale “Shkatërrimi i pronës” dhe “Vjedhja” mbetur në tentativë”.
