Protestuesit gurë e gaz lotsjellës; edhe deputetët konfrontohen me policinë
Nga OraNews Përditësimi i fundit 17 Nëntor 2015, 11:20
Protesta, të plagosur, gaz lotjellës, përleshje, dhunë, akuza dhe kundërakuza. Kjo është ajo që ndodhi në Prishtinë gjatë mbajtjes së seancës parlamentare, e parashikuar për të miratuar buxhetin e shtetit për vitin 2016.Sipas skenarit të njohur tashmë, Vetëvendosje ka hedhur gaz lostjesllës në sallën e Kuvendit menjëherë sapo nisi seanca, gjë e cila detyroi maxhorancën të zhvendoset në një prej sallave të tjera të godinës parlamentare ku me 71 vota pro miratoi projektligjin për buxhetin 2016 të Kosovës.Opozita nuk u lejua të hyjë në sallën e improvizuar, gjë e cila ka irrituar jo vetëm deputetët, por edhe mbështetësit e tyre, duke tensionuar situatën jashtë ambienteve të Kuvendit.Për pasojë dy policë u plagosën rëndë pas hedhjes së gurëve dhe sendeve të forta në drejtim të tyre, ndërkohë që sipas burimeve shëndetësore, deputetja e Vetëvendosjes Albulena Haxhiu ka pasur shqetësime serioze nga gazi lotsjellës.Aktivistët e Vetëvendosjes e pritën si hero ish-liderin Albin Kurtin, i cili tha se brenda ambienteve të kuvendit tentuan ta rrëmbejnë, por opozita e bashkuar nuk e lejoi këtë.Kryeministri i Kosovës, Isa Mustafa deklaroi se veprimet e opozitës janë një akt kriminal për të cilët institucionet e Kosovës duhet të marrin masa.Po vihet në pikëpyetje shteti, tha Mustafa, duke shtuar se opozita po cënon jetën e deputetëve dhe përfaqësuesve ndërkombëtar.Veprime të çmendura dhe kriminale i ka quajtur edhe zëvendës.kryeministri Hashim Thaçi, duke deklaruar se toleranca ka kapërcyer vijën e kuqe.
