Asnjë huligan në "Elbasan Arena", RENEA ruan kombëtaren serbe

Duke nënvizuar apelin për një festë qytetarie ministri i Brendshëm Saimir Tahiri bëri publike mesditën e 7 tetorit masat e sigurisë për të garantuar mbarëvajtjen e ndeshjes 'Shqipëri-Serbi"  që do të zhvillohet nesër në "Elbasan Arena" .Mbi 2300 policë si dhe njësia antiterror do të angazhohet nga sot ndërsa RENEA do të ruajë kombëtaren serbe.FNSH, RENEA e Antiterror në gadishmëri-  "E gjithë struktura e FNSH, RENEA dhe Njësia Antiterror është angazhuar në gatishmëri të plotë që nga sot, për të parandaluar çdo kërcënim të prishjes së rendit dhe qetësisë publike, në mbështetje të strukturave të tjera të Policisë së Shtetit, si dhe në gatishmëri për të ndërhyrë kudo që do të evidentohet një cënim real i rendit dhe sigurisë publike" tha Ministri Tahiri.Ndalohen huliganët- Ministri Tahiri deklaroi se do të ndalohet hyrja në stadiumin "Elbasan Arena" apo pranë tij të të gjithë personave të cilët kanë pasur precedent të akteve të huliganizimit në aktivitete sportive."Është shkëmbyer informacion intensiv me partnerët në rajon e BE, si dhe me FSHF-në, UEFA e FIFA për hartimin dhe monitorimin e listës së personave që kanë precendetë të mëparshëm  për akte të dhunshme apo huliganizmi gjatë aktivitete sportive.  Lista është në dispozicion të policisë kufitare dhe të gjitha strukturave të policisë së shtetit në terren, për mos lejimin e hyrjes në Republikën e Shqipërisë dhe në rast se kanë hyrë më parë apo jetojnë në vend, për monitorimin konstant dhe në të gjitha rastet do të merren masa për ndalimin e hyrjes së mjediset e stadiumit “Elbasan Arena” apo mjediset afër tij"

Agjentë civilë dhe brenda stadiumit -Duke bërë apel për një festë qytetarie, Tahiri tha se do të ketë të infiltruar dhe agjentë civilë në të gjithë ambientet ku do të ketë grupime njerëzish e tifozësh, në akset rrugore dhe vetë brenda stadiumit.

"Strukturat e luftës kundër krimit do të jenë të angazhuara për monitorimin dhe ndjekjen e çdo informacioni që ka të bëjë me cënimin e mbarëvajtjes së aktivitetit të nesërm sportive. Agjentë civilë do të jenë në të gjithë ambientet ku do të ketë grupime njerëzish e tifozësh, në akset rrugore dhe vetë brenda stadiumit" deklaroi ministri.

Do monitorohen te gjitha akset që të çojnë në Elbasan- "Forcat e rendit dhe Policisë Rrugore në të gjithë Shqipërinë janë tërësisht të angazhuara për garantimin e rendit dhe sigurisë publike në çdo ambjent publik, si dhe monitorimin e të gjitha akseve rrugore, në të gjithë vendin, por në mënyrë të veçantë në të gjitha akset që të çojnë në Elbasan dhe stadiumin “Elbasan Arena” tha TahiriRENEA ruan kombëtaren serbe- Janë marrë masat maksimale për garantimin e sigurisë për ekipin mik. E në këtë kuadër, një pjesë e Repartit RENEA, bashkë me një pjesë të Policisë së Shtetit është e angazhuar eksluzivisht për këtë qëllim. Në total, për garantimin e ndeshjes nesër, do jenë të angazhuara mbi 2.300 forca policie, kryesisht në Tiranë dhe Elbasan, ndërkohë që do të jenë të gjitha mjetet dhe infrastruktura në dispozicion.Apeli për festë qytetarie-  " Federata, trajneri, Kombëtarja jonë, është impenjuar që në fushë të fitojë futbolli. Të fitojë loja.  Jashtë fushës, ndeshja jonë më e rëndësishme, sfida jonë më e madhe, është të bëjmë gjithçka është e mundur për t’i dhënë Kombëtares festën e qytetarisë dhe pasqyrën më të mirë të vlerave me të cilat është edukuar secili prej nesh, në çdo familje shqiptare nga veriu në jug.  Ndaj është e detyrueshme të përpiqemi bashkë për të mbrojtur vlerat tona, pa lejuar që emocionet e sportit të kthehen në kërcënim për qytetarinë. Ndaj dua t’i bëj thirrje çdo qytetari, të bashkëpunojë me Policinë e Shtetit, të informojë për çdo gjë që mund, qoftë edhe largësisht, të kërcënojë atmosferën e festës para, gjatë dhe pas ndeshjes së nesërme, e mbi të gjitha vlerat tona, që i mbrojmë vetëm duke u angazhuar të gjithë bashkë maksimalisht. Në këto 24 orë, kemi mundësinë të tregojmë veten dhe fuqinë e qytetarërisë së vlerave tona, duke mbështetur Kombëtaren dhe skuadrën mike, por mbi të gjitha, bashkë me Kombëtaren, duke mbështetur Shqipërinë dhe vlerat tona si shqiptarë."Fluks në Morinë

Qindra tifozë kuqezi kanë filluar të hyjnë në Shqipëri përmes pikës kufitare të Morinit në Kukës.

Të ardhur nga qytete të ndryshme të Kosovës dhe Lugina e Preshevës kanë si destinacion stadiumin "Elbasan Arena" ku nesër do luhet ndeshja Shqipëri-Serbi, informon gazetari i Ora News Blerim Tota.

Dhjetra autobusë kanë udhëtuar sot nga Prishtina. Një pjesë e mirë e tyre nuk kanë bileta për të parë ndeshjen në stadiumin “Elbasan Arena” megjithatë duan të vijnë në Shqipëri dhe të jenë në Elbasan për të bërë tifo pro kombëtares

Ndërkohë ministri i Brendshëm Saimir Tahiri pritet të dalë në një konferencë për median pas pak minutash.[caption id="attachment_594074" align="alignnone" width="639"] Plisat ne Elbasan[/caption][caption id="attachment_593854" align="alignnone" width="640"] Ne foto: Tifozët kuqezi kanë hyrë në Shqipëri përmes pikës kufitare të Morinit në Kukës[/caption][caption id="attachment_593855" align="alignnone" width="640"] Ne foto: Tifozët kuqezi kanë hyrë në Shqipëri përmes pikës kufitare të Morinit në Kukës[/caption][caption id="attachment_593856" align="alignnone" width="640"] Ne foto: Tifozët kuqezi kanë hyrë në Shqipëri përmes pikës kufitare të Morinit në Kukës[/caption][caption id="attachment_593857" align="alignnone" width="640"] Ne foto: Tifozët kuqezi kanë hyrë në Shqipëri përmes pikës kufitare të Morinit në Kukës[/caption][caption id="attachment_593858" align="alignnone" width="640"] Ne foto: Tifozët kuqezi kanë hyrë në Shqipëri përmes pikës kufitare të Morinit në Kukës[/caption][caption id="attachment_593859" align="alignnone" width="640"] Ne foto: Tifozët kuqezi kanë hyrë në Shqipëri përmes pikës kufitare të Morinit në Kukës[/caption][caption id="attachment_593860" align="alignnone" width="640"] Ne foto: Tifozët kuqezi kanë hyrë në Shqipëri përmes pikës kufitare të Morinit në Kukës[/caption]