Nuk respektohet urdhri i MPB për aplikimet për pasaporta, sportelet mbyllur
Nga OraNews Përditësimi i fundit 15 Gusht 2015, 13:03
Askush nuk jep sqarime lidhur me këtë mos ekzekutim të urdhërit të ministrisë së Brendshme, gjithmonë nëse ai ka mbërritur në Shkoder. Dy sportelet, ai i aplikimit në mjediset e bashkisë dhe ai i tërheqjes së pasaportave biometrike në polici, i kanë të kyçura dyert si çdo të shtunë tjetër.Jashtë tyre nuk ka qytetarë, pasi ditë më parë kanë patur njoftimin që shërbimi në këto sportele kryhet nga e hëna në të premte. Por ajo që është e çuditshme, lidhet me faktin se cili ka qënë motivi që ky urdhër nuk është zbatuar, pasi Shkodra ishte ndër qarqet më problematike për ofrimin e këtij shërbimi.Radhë të gjata, pritje pa fund dhe kaos ishte ajo çfarë në gjithë këto ditë që kanë ardhur emigrantët, ofronin këto 2 sportele të vetme, një për aplikim dhe një për tërheqje të këtyre mjeteve të reja identifikuese.Mbetet për tu parë cili do të jetë sqarimi i radhës, por një gjë është e sigurtë, se me rihapjen e dyerve të hënën e javës së ardhshme, radhët dhe kaosi do të jenë sërish refreni i ditës, duke bërë që emigrantët të largohen me shijen e hidhur, se edhe këtë herë shteti Shqiptar nuk është në gjendje t’u ofrojë një shërbim me standarte, për të cilin paguhet jo pak.
/Oranews.tv/
