LSI kërkon të shpallen të pavlefshme zgjedhjet në Vorë: Kishte votues fiktivë
Nga OraNews Përditësimi i fundit 30 Qershor 2015, 10:42
Lëvizja Socialistë për Integrim ka kërkuar që zgjedhjet në Bashkinë e Vorës të shpallen të pavlefshme.Për këtë, kjo forcë politike ka dorëzuar këtë të martë kërkesën për ankimimin e rezultatit të zgjedhjeve vendore në KQZ, e cila mori vendimin qe kjo kërkesë të shqyrtohet diten e nesërme në orën 16:00.Sipas Lëvizjes Socialiste për Integrim në bashkinë e Vorës ka pasur lista fiktive të zgjedhësve dhe numri i qytetarëve me të drejtë vote në Bashkinë Vorë është shtuar përmes kontratave të qerasë të dhëna në mënyrë fiktive ndaj ketyre qytetareve nga noteri Shaban Gjoka.Në zgjehdjet e 21 qershorit, në bashkinë e Vorës fitoi kandidati i djathtë Fiqiri Ismaili, që garonte përballë Luan Sallakut që përfaqësonte listat e LSI.
