Bora dhe ngricat pushtojnë jugun e SHBA-së
Nga OraNews Përditësimi i fundit 26 Shkurt 2015, 12:52
Bora dhe ngricat kanë pushtuar jugun e Shteteve të Bashkuara të Amerikës duke u bërë shkak për qindra aksidente automobilistike. Shkollat në pjesën më të madhe të qytezave u mbyllën ndërsa bora arriti deri në 20 centimetra.Në Xheorxhia, autoritetet shtynë deri të hënën e ardhshme ekzekutimin e gruas së parë që prej 70 vitesh për shkak të motit të keq. Ekzekutimi, që pritet të zbatohet të hënën, do të jetë i nënti këtë vit në Shtetet e Bashkuara.Në Karolinën e Veriut akulli dhe bora i zuri në befasi banorët pasi parashikuesit e motit nuk e prisnin uljen drastike të temperaturave, që arritën deri në -20 gradë celcius, duke thyer rekordin e vendosur që prej vitit 1967 kur temperaturat kishin rënë deri në -10 gradë.Në Alabama, guvernatori Robert Bentli shpalli gjendjen e emergjencës pasi bora ka arritur deri në 15 centimetra trashësi, rrugët janë bërë të pakalueshme për shkak të akullit dhe një stuhi e fortë pritet në ditët në vijim.Situata ka gjetur disi të papërgatitur shtetet e jugut, ndërsa në veri, i ftohti i acartë ka mbërritur prej disa javësh.Në shtetin më verior, Mein, dhjetra vetë u nxorën nga forcat zjarrëfikse nga makinat ku kishin ngecur pas një aksidenti masiv ku u përfshinë 40 automjete.Fatmirësisht nuk pati viktima, por autostrada ku ndodhi aksidenti qendroi e mbyllur për gjithë ditën e mërkurë.
