Vlorë, i dënuari për vrasje kapet me 21 kallëpë tritol C4 të fshehur në valixhe
Nga OraNews Përditësimi i fundit 1 Dhjetor 2014, 11:55
21 kallëpe tritoli të llojit C4 janë sekuestruar gjatë një operacioni të policisë së Vlorës në bashkëpunim me Prokurorinë e Krimeve të Rënda.Policia e Vlorës ka vënë në pranga një person, teksa është kapur me një sasi të konsiderueshme tritoli C4.Kastriot Prenga nga Mirdita u arrestua gjatë një operacioni policor të zhvilluar paraditen e sotme, sapo zbriti nga autobusi i linjës Durrës-Vlorë.Të riut iu gjetën dhe sekuestruan në cilësinë e provës materiale 21 kallëpë tritol të fshehur brenda një valixheje.Arrestimi i 37-vjeçarit erdhi pas 2 muaj hetime të përbashkëta me Prokurorinë e Krimeve të Rënda.Mësohet se Prenga eksplozivin e kishte siguruar nga vendi fqinj, Mali i Zi. Sipas bluve, gjysma e C4 ishte destinuar për grupet kriminale në Shqipëri dhe pjesa tjeter për në Itali.Po sipas bluve, Kastriot Prenga figuron në listën e zezë të policisë me preçedent penalë për vrasje, për të cilën ishte dënuar me 12 burg, ndërsa prej kohësh ai jetonte në Durrës.37-vjeçari po merret në pyetje nga policia për të mësuar më shumë rreth grupit që siguronte eksplozivin, i cili dyshohet të jetë përdorur edhe për vepra kriminale në vend.(Në foto: Lënda e eksplozivit të sekuestruar dhe mjeti i identifikimit të personit te arrestuar)
Njoftimi i policisë mbin operacionin
Vlorë më 01.12.2014 rreth orës nga Strukturat e Policisë Vlorë u bë i mundur finalizimi me sukses operacionit policor të koduar “ELIZEJA” ku si rezultat I të cilit u be i mundur arrestimi ne flagrance i shtetasit:• Kastriot Preng Prenga, vjec 37, lindur ne Mirdite dhe banues ne Durrës i dënuar më parë për veprën penale “Vrasje me dashje”.Ne momentin e arrestimit në afërsi të shkollës “Perla” brenda një valixheje këtij shtetasi ju gjetën dhe sekuestruan në cilësinë e provës materiale 21 njesi eksplozivi plastik i ngjashëm me C4.Finalizimi i këtij operacioni u bë i mundur falë hetimeve 2 mujore në bashkëpunim me Prokurorinë Për Krimet e Renda Tiranë për një rrjet të mirëorganizuar që merret me trafikun e lëndëve eksplozive.Lënda eksplozive dyshohet se ishte siguruar në Mal të Zi dhe ishte trafikuar nga ky person për në Shqipëri dhe se një pjesë e saj do të shitej në Shqipëri për llogari të grupeve kriminale vendase ndërsa pjesa tjetër do të trafikohej për në vendet fqinje.Materialet procedurale do ti referohen Prokurorisë për Krimet e Rënda Tiranë për hetime të mëtejshme.
