Droga, mazhoranca rrëzon kërkesën e PD për komision hetimor

Nga OraNews Përditësimi i fundit 16 Maj 2014, 15:52

Tiranë- Mazhoranca në Konferencën e Kryetarëve ka rrëzuar sot kërkesën e Partisë Demokratike për ngritjen e një Komisioni të ri, për të verifikuar të dhënat për fenomenin e rritjes së trafikut të drogës, përfshirë përdorimin e hapësirës ajrore nga narkotrafikantët dhe rolin e funksionarëve publik në këtë trafik.Nënkryetari i grupit parlamentar të Partise Demokratike, Eduard Halimi, e cilësoi vendimin e mazhorancës si zhvillim tronditës, që sipas tij ka për qëllim të fshehë përgjegjësitë e tyre.Sipas Halimit, mazhoranca nuk kërkon të hetojë fenomenin, por akuzuesit e këtij trafiku.Deputeti demokrat, akuzoi gjithashtu mazhorancën se në këto muaj i ka dalë në krah krimit, dhe sipas tij duhet të sqarojë pse nuk bëhet palë me opozitën për të bërë transparencë për fenomenin e narkotrafikut.Deklarata e plotë:Sot në konferencën e kryetarëve u diskutua kërkesa e opozitës për hetimin e fenomenit të narkotrafikut në Shqipëri. Kjo kërkesë u rrëzua nga mazhoranca, duke refuzuar që të hetohet mbi këtë fenomen që ka mbërthyer vendin dhe është duke u kthyer në një dukuri jashtëzakonisht shqetësuese për Shqipërinë‎, për shqiptarët por edhe për fqinjët tanë europiane.Ne kërkuam që të mos i mohohet qytetarëve e drejta e transparencës ndaj fenomenit të narkotrafikut që ka pushtuar sot tokën, detin dhe ka arritur kulmin e vetë, ka pushtuar ajrin siç u faktua edhe nga ngjarja e rëndë e Divjakës në datën 10 maj.Por mazhoranca këmbëngul edhe sot të hetojë denoncuesit e avionëve të drogës dhe jo trafikun e drogës, duke kërkuar me ngulm të fshehë përgjegjësitë e qeverisë dhe lidhjet e saj me drogën.Në kulmin e shqetësimit mbarëqytetar për narkotrafikun, mazhoranca, e tmerruar, kërkon të ndalojë hetimin parlamentar, trasparencën për qytetarët.Ky është një zhvillim tronditës sepse provon shqetësimin opozitar se rrënjët e kartelit të narkotrafikut arrijnë deri tek kryeministri që ka urdhëruar sot refuzimin e trasparences dhe fshehjen e së vërtetës.Droga kërcënon sot vendin, kërcënon fqinjët, kërcënon fëmijët tanë dhe të ardhmen tonë. Faktet flasin kundër mazhorancës e cila i ka dalë në krah krimit gjithë këto muaj, dhe do të jetë hetim parlamentar ai që do të bëjë trasparent fenomenin dhe tu tregojë qytetarëve të vërtetën në mënyrë që dhe ata të dinë se çfarë të besojnë.Por përse duan ti fshihen trasparencës? Përse nuk bashkohen me ne për të hetuar këtë fenomen? Nëse nuk kanë frikë nga përgjegjësitë dhe nuk kanë frikë të fshehin diçka, përse nuk pranojne hetimin paralamentar?Ne jemi të bindur se përfaqësojmë interesat e shumicës së qytetarëve që kërkon të shkulë nga rrënjët narkotrafikun në Shqipëri, kërkon të ndërtojë një vend ku karteli i drogës të luftohet dhe jo mbrohet nga qeveria, ndaj do t’i shkojmë deri në fund betejës për të bërë transparent gjithë fenomenin e narkotrafikut dhe lidhjet dhe rrënjet e tij kudoqofshin.Ja çfarë u diskutua në Konferencën e KryetarëveNë drejtimin e Kryetarit të Kuvendit, Ilir Meta, ku të pranishëm ishin kryetarët e grupeve parlamentare, kryetarët e komisioneve të përhershme, u mblodh sot Konferenca e Kryetarëve për të shqyrtuar kërkesën e paraqitur nga grupi parlamentar i Partisë Demokratike. Objekt i kësaj kërkese ishte: “Krijimi i një Komisioni Hetimor të Kuvendit, për të verifikuar të dhënat për fenomenin e rritjes së trafikut të drogës, përfshirë përdorimin e hapësirës ajrore nga narkotrafikantët, roli i funksionarëve publik dhe masat e marra nga organet e pushtetit ekzekutiv përballë këtyre fakteve në vijim të informacioneve zyrtare të përcjella nga strukturat përgjegjëse”.Në fillim të mbledhjes, Kryetari i Kuvendit Meta, informoi të pranishmit se kërkesa është depozituar në Kuvend më datë 13 maj dhe se në mbështetje të ligjit për komisionet hetimore, Kryetari i Kuvendit ka detyrimin që jo më vonë se 5-së ditë nga marrja e kërkesës të mbledhë Konferencën e Kryetarëve për të diskutuar mbi kërkesën e nismëtarëve.Në emër të Partisë Demokratike, deputeti Eduard Halimi tha se është në të drejtën e opozitës që t’i tregojë qytetarëve të vërtetën.“Ky fenohem nuk kërcënon vetëm opozitën, kërcënon vendin, kërcënon fqinjët, kërcënon të ardhmen e fëmijeve tanë. Për këtë qëllim, Partia Demokratike, ka kërkuar që të kryejë një hetim parlamentar për t’i bërë të qartë publikut dhe qytetarëve të vërtetën e hapjes së këtij fenomeni, pra të hetojë fenomenin dhe rolin e administratës qeveritare, masat e marra ose jo, zbatimin e ligjeve ose jo, neglizhencën e kryer ose jo, favorizimin ose pengimin e fenomenit dhe në konkluzionin eventual, rekomandimet serioze ndaj autoriteteve për të ndalur këtë fenomen dhe për të mos lejuar këtë fenomen të përsëritet në të ardhmen”, tha z.Halimi.Kryetari i Komisionit për Sigurinë Kombëtare,  Spartak Braho tha se kërkesa e paraqitur nga grupi parlamentar i PD-së është antikushtetues.“Nga një anë kemi rritje të krimit, por strukturat e shtetit dhe vetë shteti është në këmbë. Rezultatet janë në rritje për eleminimin e këtij fenomeni negativ. Ne jemi në dijeni vetëm të një fakti , të disa akuzave që ka ngritur opozita. Jemi në dijeni dhe të një fakti tjetër që në datën 10-të, strukturat e policisë u vunë në dijeni për fluturimin e një avioni. Mbas 20 minutash strukurat e policisë kane qenë atje dhe kanë kryer veprimet e para hetimore, kanë bllokuar avionin, tre persona, një furgon dhe një trafikant”, tha z.Braho.Më pas ai theksoi se janë tre vendime të Gjykatës Kushtetuese që nuk lejojnë ngritjen e një komisioni hetimor për një çështje që është nën hetim nga Prokuroria. “Nuk e di se çfarë do të bëni ju, doni të përziheni me prokurorinë?! Kuvendi nuk duhet të përzihent me punën e prokurorisë. Në këtë aspekt unë gjykoj se kërkesa është e pambështetur dhe e pabazuar në ligj”, tha z.Braho.Deputeti Eduard Halimi tha se rasi i Divjakës është vetëm një nga episodet, por opozita kërkon që të hetojë fenomenin. “Është fenomen sepse gjatë këtyre muajve kemi disa fakte dhe grup-fakte të cilat e kthejnë këtë gjendje që ndodh në Shqipëri në një fenomen të narkotrafikut. Episode ka. Komisionin e ka ngritur mazhoranca për të hetuar pikërisht ata kanë që akuzuar, për të hetuar akuzat për përdorimin e mjeteve ushtarake. Edhe ai komision ka rënë për aq kohë sa edhe dje po betonohej aeroporti”, tha z.Halimi.Ndërsa Kryetari i Grupit Parlamentar të LSI-së, Petrit Vasili e cilësoi mungesë serioziteti kërkesën e PD-së për ngritjen e një tjetër komisioni hetimor.“Nuk jemi këtu që t’i bëjmë shërbim qëndrimeve të PD-së, figurativisht fluturake, sepse ngrihet një komision hetimor të cilin opozita mori pjesë, dhe në momentin e caktuar, atëherë kur arsyetimi i saj tha që nuk kam nevojë të rri, e quajti të ezauruar. Ndërkohë fluturoi në një komison tjetër, të cilin mund të bindet po nesër të thotë që na doli një ngjarje tjetër, po e lëmë edhe këtë. Kjo lloj mungese serioziteti në komisionin e parë, e bën të pa themeltë edhe këtë kërkesë të dytë”, tha z.Vasili, ndërsa theksoi se i gjithë shteti është në këmbë për të luftuar trafikun e drogës.Kryetari i grupit parlamentar të PS-së, Gramoz Ruçi, ftoi opozitën që nëse ka diçka serioze, mund të kontribuojë në komisionin hetimor tashmë të ngritur nga Kuvendi.“Ne, jo më larg se dy javë përpara e kemi diskutuar këtë problem. Këtë pretendim që sot opozita e ka, e hodhi edhe dje. U azhornua në Parlament me ngritjen e komisionit hetimor. Dhe unë do të ftoja opozitën që nëse e keni vërtet seriozisht, jepni të gjithë kontributin tuaj, te komisioni hetimor tashmë i ngritur , thërrisni kë të doni, dëgjoni kë të doni, kërkoni çdo informacion që doni.Ne si mazhorancë jemi të hapur, por që të dublikojë pas 15 ditësh, kërkesë mbi kërkesë për të njëjtën gjë, për të njëjtin fenomen, të njëjtën çështje, as institucionalisht dhe as politikisht nuk keni të drejtë”, tha z.Ruçi, i cili shtoi se kërkesa është tashmë nën hetim nga Prokuroria.Kryetari i Kuvendit, Ilir Meta tha se për shkak të qëndrimeve të kundërta që kanë palët për këtë çështje, do të jetë seanca plenare ajo që do të vendosë, ndërsa ftoi palët që të arrijnë një konsensus.“S’ka pse të mos ketë konsensus, mendoj unë, kur ka vullnet, sepse dhe kjo nuk është normale që të krijohet një komision hetimor, pavarësisht se u krijua nga mazhoranca dhe opozita bojkoton. Mund të ketë edhe një komision hetimor që të ngrihet nga opozita dhe të bojkotojë mazhoranca. Nuk e di se në çfarë situate do të ishim. Ka një problem këtu. Ka një mbivendosje, ka edhe një sjellje jo shumë etike do të thosha përveç qëndrimit të ndryshëm politik, të këndvështrimit. Megjithatë nuk ka konsensus. Kështu që për këtë kërkesë do të shprehet seanca plenare. Nëse ka ndonjë mundësi deri atëherë që për këto probleme, të gjenden zgjidhje përmes komisionit aktual hetimor”, tha Kryetari i Kuvendit, Ilir Meta.