Dëmshpërblehet, ilaçet e kthyen në biseksual kurioz dhe bixhozxhi
Nga OraNews Përditësimi i fundit 30 Nëntor 2012, 12:27
Një person që vuante nga sëmundja e Parkinsonit në Francë, ka fituar një betejë gjyqësore kundër një gjigandi të prodhimit të ilaçeve.Didier Jambart pretendon se ilaçet që mori për Parkinsonin e kthyen atë në një bi kurioz dhe të varur nga bixhozi.Jambart ishte një person i respektuar, një anëtar i nderuar i komunitetit dhe një baba e burrë i dashur.Por brenda dy vitesh që kur nisi të merrte ilaçin Requip, ai u bë si i çmendur pas seksit me meshkuj e bixhozit, aq sa shiti edhe lodrat e fëmijëve.Por tani një gjykatë i ka dhënë të drejtë atij duke e dëmshpërblyer me 200 mijë euro.Vendimi është marrë në apel dhe kompania e njohur GlaxoSmithKline do të paguajë shumën. Gjigandi britanik i farmaceutikës ka prodhuar këtë ilaç.Gjykata e shkallës së parë e kishte dënuar firmën britanike me 117 mijë euro, por GlaxoSmithKline e çoi çështjen në apel, ku humbi edhe më thellë për shkak se dëmshpërblimi u rrit në 200 mijë euro.Jambart tha pas vendimit se ishte i lumtur pas një beteje shtatëvjeçare ndaj kompanisë. Ai shtoi se paratë e fituara nuk janë një lotari, por janë kompensim për vite të tëra dhimbje.Para gjykatës Jambart tha se ka shpenzuar 82 mijë euro në bixhoz. Ai nisi një kërkim frenetik për meshkuj në internet. Madje në një rast pati një takim, gjatë të cilit e përdhunuan.Ai thotë se iu kthye normalitetit kur e la ilaçin.
