Humb jetën në aksident protagonisti i “Fast & Furious”, Paul Walker
Nga OraNews Përditësimi i fundit 1 Dhjetor 2013, 09:08
Ishim mësuar ta shihim duke bërë gara shpejtësie me makina sportive por duket se këto makina do t`i ndërprisnin jetën në mes.Aktori amerikan Paul Walker, protagonist në filmin me disa seri të “Fast & Furious” ka humbUR jetën në një aksident rrugor në Kaliforni.
40-vjeçari ishte pasagjer në një makinë sportive “Porsche”, e drejtuar nga një miku i tij, i cili gjithashtu mbeti i vrarë.
Aktori po shkonte në një mbrëmje bamirësie, kur ndodhi aksidenti.
Sipas policisë, automjeti ishte duke lëvizur mbi normat e lejuara të shpejtësisë, kur u përplas me një shtyllë ndriçimi të rrugës dhe shpërtheu në flakë.
Pavarësisht se autombulancat mbërritën shpejt në vendngjarje, aktori dhe miku i tij kishin mbetur të vdekur në vend.
Walker ka qenë protagonist në pesë prej gjashtë serive të suksesshme të “Fast & Furious”.
Ai gjithashtu luajti një rol në dramën “Hours”, një film që do të nisë të shfaqet në kinema gjatë muajit.
Van Diesel, protagonisti tjetër kryesor i “Fast & Furious” ishte ai që kryesoi mesazhet e shumta të ngushëllimit për Walker në “Twitter”.
“Jam i pafjalë. Sot humba një vëlla, ndërsa parajsa fitoi një ëngjëll. U prefsh në paqe”, komentoi ai.
