James Comey merr zyrtarisht postin e Drejtorit të FBI-së
Nga OraNews Përditësimi i fundit 29 Tetor 2013, 08:50
Presidenti amerikan Barak Obama emëroi në detyrën e drejtorit të ri të Byrosë Federale të Hetimeve, FBI, James Comey.Presidenti Obama e vlerësoi Comey-n, duke e përshkruar atë si një njeri që di se çfarë është e drejtë dhe çdo ditë është i gatshëm të veprojë mbi këtë bazë.54-vjeçari Comey ka shërbyer si zëvendës prokuror i përgjithshëm Shteteve të Bashkuara në administratën e ish presidentit George W. Bush. Gjatë asaj kohe, ai u bë i njohur për kundërshtimin e kërkesave të Shtëpisë së Bardhë për përgjimet pa leje.Ky program i përgjimeve u rishfaq si një çështje e debatueshme në fillim të këtij viti, kur u zbulua se qeveria amerikane ka lejuar funksionimin e një programi të gjërë survejimi që kishte në shënjestër përgjimin e Internetin dhe telefonave. Presidenti Obama e ka mbrojtur me vendosmëri këtë program.James Comey zëvendëson Robert Mueller, i cili mori drejtimin e FBI-së menjëherë pas sulmeve terroriste të 11 shtatorit, 2001.
