Sulmi në Fort Hood, dënohet me vdekje Nidal Hasan
Nga OraNews Përditësimi i fundit 29 Gusht 2013, 08:56
Një juri ushtarake e ka dënuar më vdekje ish ushtarakun amerikan, Nidal Hasan për sulmin me armë që kreu në vitin 2009 në bazën “Fort Hood”, raporton Associated Press.Ky dënim është dukur që është kërkuar edhe nga vetë Hassan në përpjekje për tu bërë martir.Vendimi që rrallë jepet në gjykatat ushtarake amerikane është dhënë katër vite pas sulmit që shokoi ushtrinë amerikane, e cila ka vite që lufton në terrene shumë të rënda.Hassan, në atë kohë kishte hyrë në një ndërtesë mjekësore ku ushtarët ishin duke kryer kontrolle mjekësore para nisjes për Irak dhe Afganistan, fillimisht ka thirrur “Allahu Akbar” dhe më pas shtënë me armë zjarri.Gjatë sulmit, Hasan ka vrarë 13 persona dhe mbi 30 të tjerë janë plagosur. Hasani mund të bëhet ushtari i parë amerikan që ekzekutohet pas më shumë se një gjysmë shekulli.Mirëpo, për shkak të sistemit juridik ushtarak amerikan që kërkon proces të gjatë apeli, mund të kalojnë vite apo ndoshta edhe dekada derisa të mund të zbatohet dënimi me vdekje.Myslimani i lindur në SHBA ka thënë se sulmin e ka bërë që të mbrojë kryengritësit nga agresioni amerikan, derisa ai asnjëherë nuk e ka mohuar se është autori i sulmit në Fort Hood. Ky cilësohet si sulmi më i rëndë në një bazë ushtarake amerikane.
