Sulmet me armë kimike në Siri, SHBA: Ende nuk kemi konfirmuar akuzën
Nga OraNews Përditësimi i fundit 23 Gusht 2013, 08:50
SHBA deklaron se deri më tani nuk kanë arritur të konfirmojnë nëse armët kimike janë përdorur në një sulm që dyshohet se është bërë me gaz helmues në Siri.Zëdhënësja e Departmentit të Shtetit, Jen Psaki, ka thënë se zyrtarët e SHBA-ve janë duke bërë çdo gjë që është e mundshme për të mësuar faktet rreth një sulmi të mundshëm që thuhet se është kryer të mërkurën në afërsi të Damaskut.Ajo ka thënë se presidenti Barack Obama ka urdhëruar agjencitë e inteligjencës amerikane që të punojnë drejt verifikimit të dyshimeve që janë bërë nga forcat opozitare të cilët thonë se forcat qeveritar siriane e kanë kryer sulmin me armë kimike.Sekretari i Përgjithshëm i OKB-së, Ban Ki Mun ka bërë thirrje qeverisë siriane që të lejojë ekspertët e kësaj organizate që tashmë gjenden në territorin sirian pët të vizituar vendin e ngjarjes.Zyra e zotit Ban Ki-moon thotë se i ka paraqitur kërkesë zyrtare qeverisë siriane dhe pret një përgjigje pozitive pa vonesë.Zëdhënësi i OKB-së Eduardo del Buey tha se Sekretari i Përgjithshëm është tepër i shqetësuar nga njoftimet se qeveria siriane mund të ketë përdorur armë kimike në një lagje periferike të Damaskut. Sipas opozitës, sulmi la të vrarë qindra vetë.“Sekretari i Përgjithshëm beson se incidentet që thuhet se ndodhën të mërkurën duhet të hetohen pa vonesë. Që nga e mërkura ai ka qenë në kontakt me udhëheqësit botërorë lidhur me këtë çështje. Ai ka udhëzyar nënsekretaren e përgjithshme Angela Kane për të shkuar në Damask”.Angela Kane është zyrtarja më e lartë e OKB-së për çarmatimet dhe zyra e saj është angazhuar direkt në hetimin e akuzave mbi përdorimin e armëve kimike në Siri. Ajo ishte në Damask në fund të korrikut për të finalizuar një marrëveshje që u dha mundësi inspektorëve të OKB-së të futeshin këtë javë në Siri.Një zyrtar i OKB-së tha se zonja Kane do të nisej për në Damask së shpejti.Ekipi me 20 ekspertë nga Organizata për Ndalimin e Armëve Kimike dhe nga Organizata Botërore e Shëndetësisë mbërriti të dielën në Damask për të hetuar tre incidente të mëparshme kur thuhet se janë përdorur armë kimike.Zëdhënësi i OKB-së del Buey tha në komentet për shtyp se Sekretari Ban Ki-moon kërkon nga qeveria siriane të japë lejet e nevojshme për ekipin që të hetojnë pa vonesë akuzat lidhur me të mërkurën.“Një kërkesë zyrtare po dërgohet nga Kombet e Bashkuara në adresë të qeverisë siriane. Sekretari i Përgjithshëm pret një përgjigje pozitive sa më parë që të jetë e mundur”.Këshilli i Sigurimit që shpesh karakterizohet nga mungesa e konsensusit, ka shprehur mbështetjen e tij për thirrjen e Sekretarit të Përgjithshëm për një hetim të pavarur dhe të hollësishëm për të zbardhur incidentin e së mërkurës.Burime opozitare thonë se sulmi ka shkaktuar nga 500 deri në 1300 të vdekur. Këto shifra nuk janë verifikuar nga burime të pavarura.
