Peticion për të shpërblyer Manningun me Nobel
Nga OraNews Përditësimi i fundit 12 Gusht 2013, 22:24
Grupe për të drejta të njeriut në Shtetet e Bashkuara kanë mbledhur mbi 100,000 nënshkrime për t’i kërkuar komitetit norvegjez të Nobelit që çmimin e sivjetmë për paqe t’ia ndajë Bradley Manningut, ushtarit amerikan, i cili ka zbuluar dokumente sekrete për WikiLeaks-in.RootsAction ka paraqitur peticionin para komitetit të hënën në Oslo.Norman Solomon, bashkëthemelues i grupit, ka thënë se Manning ka ndihmuar që të shkurtohet lufta në Irak me publikimin e dokumenteve.Ai po ashtu ka thënë se shpërblimi për Manningun do të ndihmonte në rikthimin e reputacionit të komitetit të Nobelit, pasi i njëjti i ka ndarë çmimin presidentit të Shteteve të Bashkuara, Barack Obama, më 2009, vetëm pak muaj pasi ka nisur mandatin e parë.Një rekord prej 259 njerëzish, përfshirë Manningun, janë nominuar për Çmimin Nobel për Paqe, i cili sivjet do të shpallet më 11 tetor.Manning përballet më 90 vjet burgim.
