Pl*gosja në kokë e të miturit në Kamëz, ndërron jetë 17-vjeçari
Nga Edison Vatnikaj Përditësimi i fundit 28 Maj 2026, 19:57
Ka ndërruar jetë pas disa ditësh në gjendje kritike 17-vjeçari që mbeti i plagosur me armë zjarri në kokë më 24 maj në Tiranë.
I mituri ishte qëlluar aksidentalisht gjatë një feste në banesën e një 19-vjeçari në zonën e Kthesës së Kamzës.
Autori i dyshuar, 19-vjeçari Rigels Sylaj, i cili mësohet se është djali i një ushtaraku vijon të jetë i ndaluar nga policia.
Ai kishte ftuar 3 shokët e tij në shtëpi dhe gjatë festës ku po konsumonin edhe alkool, po u tregonte një pistoletë të cilën e kishte pa leje.
Tre shokët e kanë nxjerrë 17-vjeçarin në oborrin e banesës dhe kanë telefonuar ambulancën. Edhe pse fillimisht rrëfyen një version të ndryshëm të historisë duke thënë se e gjetën të plagosur në oborr, më vonë pranuan çfarë kishte ndodhur.
Të tre janë vënë në pranga nga policia.
