"Raporti i AFET nxjerr në pah problemet reale në Shqipëri"/ Tabaku: Po përballet me prova të forta për zgjedhje të ndershme
Nga OraNews Përditësimi i fundit 5 Maj 2026, 15:12
Deputetja e Jorida Tabaku ka reaguar pas miratimit të raportit për Shqipërinë në Komisionin e Punëve të Jashtme të Parlamentit Europian (AFET), duke e quajtur atë një pasqyrim të qartë të gjendjes në vend dhe një moment për të parë me realizëm rrugën drejt Bashkimit Europian.
Në një video në rrjetet sociale, ajo falënderoi drejtuesit e procesit, si David McAllister, raporterin Andreas Schieder dhe bashkëraporterin Andrey Kovatchev, për punën dhe analizën mbi zhvillimet në Shqipëri.
Sipas saj, raporti e bën të qartë se rruga drejt BE-së kalon përmes zgjedhjeve të lira dhe të ndershme.
Në këtë drejtim, përmendet nevoja për një reformë zgjedhore që përfshin të gjitha palët dhe për një vullnet politik që garanton standardet demokratike.
Në fokus është edhe funksionimi i institucioneve.
Tabaku përmend rëndësinë e një parlamenti të pavarur dhe të Gjykata Kushtetuese e Shqipërisë, si dhe zbatimin e vendimeve të saj.
Ajo nënvizon se opozita duhet të ketë rol të plotë dhe se barazia para ligjit është bazë për një demokraci normale.
Raporti prek edhe çështjen e medias, ku flitet për presion ndaj gazetarëve, mungesë pavarësie dhe përdorimin e padive strategjike (SLAPP) si formë ndikimi ndaj tyre.
Në fund, Tabaku e sheh raportin si një udhërrëfyes për vendin dhe jo si material për komunikim politik të përditshëm, duke shtuar se procesi i integrimit duhet të jetë në shërbim të qytetarëve dhe të rikthejë besimin te e ardhmja europiane e Shqipërisë.
