RRJETI 'RYDOX'/ GJKKO dënon Shpend Sokolin për mashtrim kompjuterik, sekuestron llogarinë në Binance
Nga OraNews Përditësimi i fundit 4 Maj 2026, 15:49
Gjykata e Posaçme në Shqipëria ka shpallur fajtor Shpend Sokolin për mashtrim kompjuterik dhe e ka dënuar me 3 vite e 8 muaj burg, ndërsa në total dënimi i tij shkon në 5 vite e 6 muaj, për shkak të gjykimit të shkurtuar.
Ai do ta vuajë dënimin në një burg të sigurisë së lartë.
Gjykata ka vendosur gjithashtu sekuestrimin e llogarisë së tij në platformën Binance dhe kthimin e provave materiale personave që u përkasin.
Sokoli është pjesë e një grupi të përfshirë në platformën e paligjshme kibernetike “RYDOX”, ku dyshohet se shiteshin të dhëna personale dhe informacione për biznese e individë, kryesisht në Shtetet e Bashkuara të Amerikës.
Hetimet tregojnë se platforma ka prekur rreth 18 mijë llogari dhe ka gjeneruar mbi 230 mijë dollarë të ardhura nga më shumë se 7600 transaksione.
Në operacion kanë marrë pjesë struktura nga FBI, Byroja Kombëtare e Hetimit (BKH), policia dhe prokuroria në Kosova, si dhe forca policore nga Malajzia.
