Gjermania në krizë demografike/ Lindjet në nivelin më të ulët që nga Lufta e Dytë Botërore
Nga OraNews Përditësimi i fundit 28 Prill 2026, 18:56
Në Gjermani është regjistruar një rënie e ndjeshme e lindshmërisë, duke arritur në vitin 2025 nivelin më të ulët që nga periudha e Luftës së Dytë Botërore.
Sipas të dhënave zyrtare, gjatë këtij viti kanë lindur rreth 654 mijë fëmijë, ndërsa mbi 1 milion persona kanë ndërruar jetë. Kjo ka thelluar më tej bilancin negativ demografik të vendit.
Rënia e lindjeve nuk shihet si rastësi, por si pjesë e një trendi që po vazhdon prej disa vitesh. Statistikat tregojnë se numri i lindjeve ka rënë për katër vite radhazi.
Ndër arsyet e përmendura janë kostot e larta të jetesës, pasiguria ekonomike dhe ndryshimi i prioriteteve të familjeve të reja, që po ndikojnë në vendimin për të pasur fëmijë.
Rënia më e madhe e lindjeve është vërejtur në rajonet lindore të Gjermanisë, të cilat prej vitesh përballen me sfida demografike dhe ekonomike.
