Sejko takon përfaqësuesen e FMN-së: Rishikim i projektligjit për Bankën e Shqipërisë
Nga OraNews Përditësimi i fundit 18 Prill 2026, 13:53
Guvernatori i Banka e Shqipërisë, Gent Sejko, në kuadër të Mbledhjeve të Pranverës të FMN dhe të BB në Uashington, zhvilloi një takim me Mary Goodman, Asistente Drejtore pranë Departamentit të Tregjeve Kapitale dhe Monetare në Fondi Monetar Ndërkombëtar. Në fokus të diskutimeve ishin reformat financiare dhe vijimi i asistencës teknike në të ardhshmen.
Gjatë takimit, palët u ndalën në ecurinë e programit të Financial Sector Assessment Program, duke vlerësuar progresin e arritur nga Banka e Shqipërisë në plotësimin e pyetësorëve dhe analizave teknike, si dhe koordinimin ndërinstitucional gjatë këtij procesi.
Gjithashtu u diskutua rëndësia e vijimit të asistencës teknike për zbatimin e standardeve ndërkombëtare të raportimit financiar International Financial Reporting Standards dhe FINREP, si reforma të rëndësishme për forcimin e transparencës dhe përafrimin e sistemit financiar shqiptar me standardet e Bashkimi Evropian.
Guvernatori Sejko, vlerësoi bashkëpunimin me FMN-në në rishikimin e projektligjit për Bankën e Shqipërisë, si një hap i rëndësishëm për forcimin e kuadrit ligjor dhe institucional të bankës qendrore.
