"Reforma po, referendume me Ramën kurrë!"/ Berisha i 'mbyll derën' nismës së mazhorancës, propozon variente për uljen fiskale të naftës
Nga OraNews Përditësimi i fundit 24 Mars 2026, 16:22
Kryetari i Partisë Demokratike, Sali Berisha, ka refuzuar nismën e socialistëve për referendume që zhvendosin fuqinë vendimmarrëse nga partitë tek qytetarët.
Ai tha se PD nuk do të votojë ligjet e PS, edhe pse mbështet proceset e reformës.
Në të njëjtën kohë, demokratët prezantuan propozimin e tyre për uljen e barrës fiskale mbi naftën, duke theksuar se ngarkesa aktuale mbi litrin e naftës në Shqipëri është mbi 60-65%, ndërsa në vendet e tjera kjo ngarkesë është 40-45%.
Sipas Berishës, kjo është arsyeja kryesore për rritjen e çmimit të karburantit, ndërsa lufta në Lindjen e Mesme nuk ka ndikim të madh.
Ai gjithashtu përmendi kontrabandën e naftës dhe menaxhimin e rezervave si faktorë shtesë që e rrisin çmimin.
Në përvjetorin e 27 të ndërhyrjes së NATO-s në Kosovë, Berisha kërkoi gjithashtu anëtarësimin e Kosovës në Aleancën Veriatlantike.
