DETAJE+EMRAT nga aksidenti tragjik në Gramsh/ Viktimë mbeti një infermiere, shoferi dhe mësuesja në gjendje kritike, niset drejt Traumës
Nga OraNews Përditësimi i fundit 26 Janar 2026, 15:56
Drtaje të reja janë zbardhur nga aksidenti tragjik në aksin Kabash–Porocan të Bashkisë Gramsh, pranë fshatit Bardhaj. Bëhet me dije se infermierja Dëshira Hoxha ka ndërruar jetë, ndërsa mësuesja Albana Boja ka mbetur e plagosur rëndë dhe është transportuar në gjendje kritike drejt Spitalit të Traumës në Tiranë.
Ndërkohë, shoferi i kamionçinës ndodhet në gjendje të rëndë shëndetësore dhe është dërguar për trajtim mjekësor në spitalin e Gramshit.
Aksidenti ndodhi kur mjeti, në të cilin udhëtonin tre persona pjesë e personelit të shërbimeve në fshatra, doli nga rruga dhe përfundoi në humnerë. Sakaq, Grupi hetimor ndodhet në vendin e ngjarjes dhe po vijon punën punën për zbardhjen e plotë të rrethanave të aksidentit.
Njoftimi:
Gramsh/Informacion paraprak. Në aksin rrugor “Gramsh-Porocan”, kamioni me drejtues shtetasin Sh. K., 38 vjeç, ka dalë nga rruga. Si pasojë e aksidentit janë dëmtuar drejtuesi i kamionit, shtetasi Sh. K., dhe shtetasja A. B., pasagjere, të cilët janë transportuar për në spital për ndihmë mjekësore, ndërsa ka humbur jetën shtetasja D. H., 43 vjeçe, pasagjere në kamion.
