SPAK tërhiqet nga ankimi, KPA konfirmon prokurorin Enklid Gjini në detyrë
Nga OraNews Përditësimi i fundit 15 Janar 2026, 17:56
Tiranë – Kolegji i Posaçëm i Apelimit (KPA) vendosi të premten pushimin e shqyrtimit të çështjes së prokurorit të Tiranës, Enklid Gjini, duke lënë në fuqi vendimin e Komisionit të Pavarur të Kualifikimit (KPK) për konfirmimin e tij në detyrë.
Vendimi i KPA-së pason konkluzionet përfundimtare të datës 12 janar 2006, kur drejtuesi i SPAK deklaroi se, pas paraqitjes së provave të reja nga prokurori Gjini, shkaqet e ankimit ishin shëruar. Për këtë arsye, SPAK kërkoi lënien në fuqi të vendimit të KPK-së.
KPA arsyeton se tërheqja nga ankimi e bën çështjen të mos ketë më objekt, duke justifikuar pushimin e shqyrtimit.
Trupi gjykues i KPA-së përbëhej nga:
Natasha Mulaj, kryesuese
Mimoza Tasi, relatore
Albana Shtylla, Rezarta Schuetz, Sokol Çomo, anëtarë
Vendimi u mor me shumicë votash, duke u bazuar në ligjin nr. 84/2016 për rivlerësimin kalimtar të gjyqtarëve dhe prokurorëve dhe nenet përkatëse të Kodit të Procedurës Civile.
