Reshjet e shiut vështirësojnë qarkullimin/ Ja rrugët alternative
Nga OraNews Përditësimi i fundit 6 Janar 2026, 09:43
Për shkak të reshjeve të dendura të shiut, qarkullimi i mjeteve është vështirësuar në disa zona të vendit. Në rrugën Tiranë-Durrës, pranë karburantit në hyrje të Durrësit, ka ujë të grumbulluar në të dyja anët e rrugës.
Për të shmangur ngërçet dhe aksidentet, Policia Rrugore ka hartuar devijime të trafikut:
Për në Tiranë: Automjetet që vijnë nga jugu, duhet të kalojnë nga Rruga e Plepave dhe Ndroq.
Për në Durrës: Kalimi do të bëhet përmes rrugës së universitetit, drejt Spitallës.
Policia apelon për drejtuesit e mjeteve të tregojnë kujdes maksimal dhe të respektojnë sinjalistikën dhe udhëzimet e Policisë.
