Durrës/ Reshjet intensive shkaktojnë probleme
Nga OraNews Përditësimi i fundit 6 Janar 2026, 08:50
Durrësi ka përjetuar reshje të forta shiu gjatë orëve të fundit, duke shkaktuar përmbytje të shumta në disa rrugë dhe zona të qytetit. Rrugët kryesore si "Taulantia" dhe "Mars 91", si dhe disa lagje të Durrësit, përfshirë lagjet 16 dhe 18, janë përfshirë nga përmbytjet, duke vështirësuar qarkullimin e automjeteve dhe duke shkaktuar vonesa në lëvizjen e qytetarëve.
Situata është problematike veçanërisht në zonat pranë stadiumit, rrugës pranë shkollës "Qemal Mici", si dhe në Shkozet, ku përmbytjet ndodhin shpesh pas reshjeve të forta. Pavarësisht kushteve të vështira, autoritetet lokale po punojnë për pastrimin e rrugëve dhe ofrimin e ndihmës për qytetarët e prekur nga ky fenomen natyror.
Banorët e këtyre zonave po inkurajohen të tregojnë kujdes dhe të ndjekin udhëzimet e autoriteteve, ndërsa pritet që reshjet e shiut të vazhdojnë edhe gjatë orëve në vijim.
