VIDEO/ Aksident në zonën e Astirit, përplasen dy makina, shpëtojnë mrekullisht drejtuesit
Nga OraNews Përditësimi i fundit 2 Janar 2026, 08:20
Një aksident rrugor është regjistruar mbrëmjen e djeshme në zonën e Astirit, në Tiranë, rreth orës 11:30 të natës. Në përplasjen e ndodhur janë përfshirë dy automjete, të cilat kanë pësuar dëmtime të konsiderueshme materiale.
Sipas informacioneve paraprake, fatmirësisht nga aksidenti nuk raportohet për persona të plagosur. Megjithatë, përplasja ka shkaktuar dëme të mëdha në mjetet e përfshira, duke krijuar edhe vështirësi të përkohshme në qarkullimin e automjeteve në zonë.
Pamjet e siguruara nga “Ora News” tregojnë automjete të shkatërruara dhe prezencë të forcave të policisë në vendngjarje, të cilat kanë ndërhyrë për normalizimin e situatës dhe zbardhjen e rrethanave të aksidentit.
Shkaqet e ngjarjes mbeten ende të paqarta, ndërsa grupi hetimor po punon për të sqaruar plotësisht rrethanat e aksidentit.
