Presidenti i “Yldon Media Group”, Ylli Ndroqi, uron stafin: Falë jush, Ora News është një zë i besueshëm dhe një përgjegjësi publike! GËZUAR 2026!

Nga OraNews Përditësimi i fundit 31 Dhjetor 2025, 14:13

Në prag të ndërrimit të viteve Presidenti i “Yldon Media Group”, Ylli Ndroqi uron shqiptarët dhe veçanërisht teleshikuesit e “Ora News” për festën e Vitit të ri 2026!

Përmes një kartoline virtuale, z. Ndroqi shprehet se këto orë kur viti po mbyllet dhe secili prej nesh ndalet për një çast për të reflektuar dhe mendimi i tij shkon për stafin e televizionit “Ora News”.

Z. Ndroqi vlerëson se viti që po lëmë pas ka qenë i mbushur me sfida, ritme të forta dhe përgjegjësi të mëdha, por mbi të gjitha ka qenë një vit që dëshmoi forcën, seriozitetin dhe shpirtin njerëzor që secili prej jush sjell çdo ditë në këtë redaksi.

MESAZHI I PLOTË

Këto orë kur viti po mbyllet dhe secili prej nesh ndalet për një çast për të reflektuar, ndjej nevojën t’ju drejtohem jo thjesht si drejtues, por si një njeri mes njerëzve me të cilët ndan çdo ditë ritmin, përgjegjësinë dhe emocionet e këtij profesioni. Pas çdo lajmi, çdo transmetimi dhe çdo momenti të rëndësishëm, qëndron puna, përkushtimi dhe energjia juaj — dhe pikërisht kjo e bën familjen tonë mediatike të veçantë.

Viti që po lëmë pas ka qenë i mbushur me sfida, ritme të forta dhe përgjegjësi të mëdha, por mbi të gjitha ka qenë një vit që dëshmoi forcën, seriozitetin dhe shpirtin njerëzor që secili prej jush sjell çdo ditë në këtë redaksi.

Çdo punë e kryer me përkushtim është dëshmi e një profesionalizmi që nuk zbehet dhe e një pasioni që na mban të bashkuar.

Ju falënderoj sinqerisht për korrektësinë, përkushtimin dhe energjinë që jepni çdo ditë.

Falë jush, Ora News është më shumë se një televizion — është një zë i besueshëm, një përgjegjësi publike dhe një familje që qëndron e bashkuar edhe në momentet më të vështira.

Në prag të Vitit të Ri, ju uroj shëndet, paqe dhe gëzim në familjet tuaja. Uroj që viti që vjen t’ju gjejë më të qetë, më të fortë dhe me besim në veten tuaj dhe në rrugën që ndërtojmë së bashku.

Me bindjen se edhe në vitin 2026 do të ecim përpara me dinjitet, profesionalizëm dhe frymë bashkëpunimi, ju falënderoj nga zemra për gjithçka që jepni çdo ditë.

Gëzuar Vitin e Ri!

Ylli Ndroqi

@oranews.one Presidenti i “Yldon Media Group”, Ylli Ndroqi, uron stafin: Falë jush, Ora News është një zë i besueshëm dhe një përgjegjësi publike! #oranews #yllindroqi #yldonmediagroup #fyp ♬ original sound - Ora News