ZYRTARE/ Legjenda shkodrane Vioresin Sinani, drejtori i ri sportiv i Vllaznisë
Nga OraNews Përditësimi i fundit 21 Maj 2025, 16:28
SHKODER - Vllaznia nuk ka vonuar dhe ka gjetur drejtorin e ri sportiv, brenda familjes shkodrane.
Vetëm disa ditë pasi Osmani dhe klubi shkodran mbyllën bashkëpunimin, dje është prezantuar drejtori i ri sportiv.
Ai do të jetë ish-sulmuesi i njohur shkodran, Vioresin Sinani.
Në të shkuarën ka dhënë kontributin e tij te Vllaznia me gola, ndërsa tanimë ka një rol drejtuesi tepër të rëndësishëm.
Lajmin e ka bërë të ditur vetë Vllaznia me anë të një njoftimi në rrjetet sociale.
NJOFTIMI I VLLAZNISË:
“KF Vllaznia bën të ditur se që nga sot e në vazhdim, drejtor sportiv i klubit do të jetë z.Vioresin Sinani. Suksese në detyrën e re legjenda”.
