Asllani projektohet titullar kundër Monacos, formacioni i mundshëm i Interit
Nga OraNews Përditësimi i fundit 28 Janar 2025, 16:53
Mes Lecce-s dhe Monaco-s, Interi do të ndryshojë fytyrë.
Duke shpresuar të arrijë të njëjtin rezultat pozitiv, Inzaghi ka në mendje më shumë se një risi për ndeshjen e fundit të fazës së grupeve të Ligës së Kampionëve, edhe sepse derbi me Milanin është afër dhe nuk mund të injorohet plotësisht.
Surpriza e parë mund të lidhet me mbrojtjen, ku Stefan De Vrij mund të përfitojë një moment pushimi.
Në vend të tij, me Acerbin ende jashtë, pritet të jetë Yann Bisseck.
Në mesfushë, sërish besim për Davide Frattesi-n, i motivuar nga paraqitja e shkëlqyer kundër Lecce-s.
Në regji, kësaj here pritet të luajë Asllani, i cili aktualisht është në garë me Zielinskin.
Një tjetër surprizë e mundshme ka të bëjë me sulmin: Thuram pritet ta nisë ndeshjen nga stoli.
Përkrah Lautaros, një mes Arnautovic-it dhe Taremi-t do të jetë titullar; aksionet e austriakut janë në rritje, duke marrë parasysh edhe inflamacionin në zonën abdominale që e pengoi iranianin të stërvitej me grupin.
Edhe kjo situatë do të monitorohet deri nesër në mëngjes.
