Fonseca: Juvja, më e fortë se Reali..., Morata e Leao mund të bëjnë diferencën

Nga OraNews Përditësimi i fundit 22 Nëntor 2024, 16:31

Paulo Fonseca, trajneri i Milanit, mbajti një konferencë për shtypin për të prezantuar ndeshjen kundër Juventusit, që do të zhvillohet nesër, në “San Siro”, në orën 18:00, si pjesë e javës së 13-të të Serie A. Ja disa nga pikat kryesore të deklaratave të tij:

"Juventusi dihet që përshtatet mirë me lojtarët që ka në dispozicion. Nuk e di nëse Weah do të luajë, por unë e njoh mirë sepse kam punuar me të, edhe pse jo si sulmues.

Weah është shumë i shpejtë në lëvizjet në thellësi, ndaj ndoshta duhet të kemi kujdes për këto lëvizje të Timothy-t, më shumë sesa për punën me shpinë nga porta."

A është ndeshja e nesërme vendimtare?

Jo, është e rëndësishme. Nuk mund të them që ndeshja kundër Juventusit është më e rëndësishme se ajo kundër Empolit, sepse kemi nevojë të fitojmë disa ndeshje radhazi. Ne jemi Milani, kemi respekt për Juven, por nuk kemi frikë.

Në ndeshjet kundër Interit dhe Realit skuadra juaj tregoi paraqitje të shkëlqyer. A ndiheni më i qetë për nesër?

Nuk ndiej presion për këto lloj ndeshjesh. Është çështje motivimi. Është e lehtë të motivohesh kundër Interit, Juves dhe Realit, por është më e vështirë të gjesh të njëjtën motivim në ndeshje si ajo kundër Cagliarit. Presioni është gjithmonë aty: kush është te Milani, ka presion çdo ditë.

A mendoni që Morata do të jetë më i motivuar si ish-lojtar i Juves?

Është e rëndësishme që Rafa Leao dhe Morata të jenë në një moment të mirë, sepse mund të bëjnë diferencën në këto lloj ndeshjesh. Në stërvitje i kam parë shumë mirë dhe shumë të motivuar, dhe pres që këtë ta tregojnë nesër.

Milani nesër ka një sulmues të qendror, ndërsa Juve jo...

Ne duam të jemi gjithmonë të luajmë mirë në sulm. Por nuk varemi nga një lojtar i vetëm; të gjithë varen nga të gjithë. Juve është shumë e fortë në mbrojtje.

A do të përdorni të njëjtën taktikë si kundër Realit?

Mendoj se do të jetë një ndeshje ndryshe. Mendoj se Juve është më e fortë në mbrojtje sesa Real Madridi, si ekip mbrojnë më mirë.

Golave të pësuar nuk u është përmirësuar situata...

Nuk dua të shmang problemin e skuadrës, që është faza mbrojtëse. Kam pasur fatin të kem shumë mbrojtës këtu gjatë pushimit dhe kemi punuar shumë me linjën mbrojtëse. Pres që skuadra të përparojë.

Theo është një lojtar i jashtëzakonshëm, për mua është mbrojtësi i majtë më i mirë në botë dhe nuk kam dyshime për këtë. Ka qenë çështje përshtatjeje. Kemi folur këto ditë dhe më është dukur më i motivuar se kurrë këtë javë. Kjo është një shenjë e rëndësishme për ta pasur Theon në nivelin maksimal.

Jovic nuk është mirë. Camarda do të jetë i grumbulluar.

Si mund të arrihet balanca që kërkonte Ibrahimoviç?

Ju doni tre mesfushorë mbrojtës...