Votuan vetë futbollistët, Bellingham do të marrë çmimin më 25 nëntor
Nga OraNews Përditësimi i fundit 22 Nëntor 2024, 14:52
Jude Bellingham dhe Caroline Graham Hansen janë votuar si lojtarët më të mirë të sezonit të kaluar në Spanjë.
Mesfushori i avancuar i Realit tw Madridit dhe mesfushorja e Barcelonës do të marrin çmimin të hënën (më 25 nëntor) gjatë mbrëmjes gala të AFE Awards, e cila do të mbahet në Las Ventas, Madrid.
Kjo gala është organizuar nga AFE (Sindikatat e Futbollistëve Spanjollë) dhe ka për qëllim nderimin e protagonistëve të sezonit të fundit në futbollin spanjoll, si për kategorinë e meshkujve ashtu edhe atë të femrave.
Votimi është kryer nga vetë lojtarët e kampionateve përkatëse, të cilët vendosën që Bellingham të pasojë Vinicius si fitues.
Përveç kampionatit kryesor, edhe lojtarët nga kategoritë e tjera do të vlerësohen, siç është rasti i Gerard Peque nga Racing Santander, që do të marrë çmimin si lojtari më i mirë i Divizionit të Dytë.
Sindikata e futbollistëve do të vlerësojë gjithashtu Carolina Marín me çmimin ‘Manuel Esteo’, për karrierën e saj të jashtëzakonshme dhe për rolin e saj frymëzues në sport dhe për përçimin e vlerave sportive.
