Shefja e FMN, Weber: FMN, e gatshme të ofrojë asistencë teknike për reformën e pensioneve
Nga OraNews Përditësimi i fundit 21 Nëntor 2024, 14:22
Shefja e FMN-së, Anke Weber, deklaroi sot se pavarësisht se sistemi i mbledhjes së kontributeve shoqërore është me shëndet të mirë, në sajë të reformave të ndërmarra në vitet 2014-2015, prirjet demografike përbëjnë sfidë.
Weber, në konferencën e përbashkët për shtyp me ministrinë Financave Petrit Malaj dhe Guvernatorin e Bankës së Shqipërisë, Gent Sejko, tha se FMN e gatshme të ndihmojë qeverinë shqiptare në procesin e hartimit të reformës së skemës së re të pensioneve. Ajo theksoi se ende nuk ka një propozim nga ana e FMN-së.
“Po të shikojmë parametrat e sistemit të pensionit, kohëzgjatjen e kontributeve për pensionin e plotë është më lart se mesatarja e OECD, ndërsa norma është njëlloj si me vendet e tjera. Dhe kjo mund të shikohet edhe me vende të tjera dhe mosha e shenjestruar për 67 vjeç është në linjë me vendet e tjera, por edhe deficiti i pensioneve ka qenë në rënie”, tha ajo.
Sipas Weber, ka sfida me të cilat mund të përballet sistemi, një ndër të cilat ka të bëjë me tendencat demografike në vend.
“Dhe në rast se moshohet popullsia edhe kjo ndikon te pensioni. Këtë e kam thënë. Natyrisht duhen parë në sajë të reformave për të pasur qëndrueshmeri dhe efikasitet të sistemit të pensioneve. Kjo është një çështje për të cilën jemi të gatshëm të ndihmojmë autoritetet me asistencë teknike. Nuk ka propozime konkrete, jo ende të paktën”, deklaroi Weber.
