Kate Upton jo më beqare
Nga OraNews Përditësimi i fundit 13 Qershor 2013, 12:43
Lajme të këqija për të gjithë meshkujt beqarë.
Kate Upton ka gjetur më në fund një të dashur të ri.
Modelja, e cila të Hënën festoi 21-vjetorin, mësohet se po frekuenton pak si shpesh të ashtuquajturin "Don Zhuan" i "Dancing With the Stars", Maksim Chmerkovskiy.
Një burim pranë tyre tregon se "pasi u njohën nga miq të përbashkët, ata kanë nisur të dalin bashkë prej kohësh".
Zëdhënësi i modeles ka refuzuar të komentojë, mirëpo një mik i bjondes bukuroshe ka konfirmuar se Kate dhe 33-vjeçari kanë kohë që janë afruar me njëri-tjetrin.
Së fundi kanë qenë në një restorant në New York, ku dëshmitarë i kanë vërejtur në qëndrime shumë intime.
