Kuvend mes tymit e kaosit, opozita mbulon foltoren me karrige. Mazhoranca miraton ligjet
Nga OraNews Përditësimi i fundit 9 Nëntor 2023, 12:15
Karrige që mbuluan foltoren e kuvendit dhe një sallë në tym. Kjo ishte pamja e seancës parlamentare, ku pavarësisht protestës së opozitës mazhroanca vijoi me miratimin e ligjeve të parashikuara. Tensioneve iu shtuan edhe akuzat mes palëve.
Kjo është pamja të cilën Kuvendi nisi këtë të enjte punimet mes protestës së opozitës.
Karriget e mbledhura në foltore dhe garda në gatishmëri për të mos lejuar përplasjen e opozitës më ministrat u transmetuan në rrjetet sociale nga Sali Berisha.
Një pjesë e deputetëve socialist u detyruan të qëndrojnë në këmbë, ndërsa me mbërritjen e
kabinetit të qeverisë ish kryeministri akuzoi Taulant Ballën.
Këtë radhë në strategjinë e opozitës ishte Saimir Korreshi që ndezi dy tymuese.
Në një sallë të pushtuar nga tymi Lindita Nikolla vijoi të votojë projektligjet në rendin e ditës.
Ndërsa Taulant Balla reagimin e dha nga podiumi i ministrave
“Deputeti ligjvënien e ka detyrë primare. Kjo pamje tregon se këtë punë nuk e keni marrë seriozisht. Përkeqëson marrëdhënien me njerëzit.
Thirrja ime ndaj pjesës më të madhe të deputetëve të djathtë, ju lutem mos u keqpërdorni nga interesi dhe halli personal i një njeriu të vetë”, tha Balla.
Për ankesat e opozitës mazhoranca kërkoi ti drejtohen gjykatës kushtetuese.
Ndërsa nuk munguan as replikat prej mazhorancsë që akuzuan për bojkot të nismave të vetë opozitës, që gjithësesi u rrëzuan në seancë.
