Vllaznia e femrave kualifikohet në raundin e dytë të Champions League
Nga OraNews Përditësimi i fundit 6 Shtator 2023, 21:49
Vllaznia mundi 4-2 skuadrën e Hajvalisë në “Loro Boriçi”, duke kaluar kështu në fazën e dytë kualifikuese të UEFA Champions League. Serinë e golave e hapi Berisha në minutën e 16 por Misini barazoi disa çaste më pas.
Gjithsesi, Vllaznia nuk u dorëzua dhe më pas Gjini shënoi për avantazhin e skuadrave shkodrane. Ndeshja u bë edhe më e bukur në pjesën e dytë ku vajzat shkodrane shënuan edhe të tretin ndërsa miket nga Kosova ngushtuan rezultatin me Mahmutin por Berisha vulosi përfundimisht suksesin e Vllaznisë.
Në raundin tjetër, shkodranet do të sfidojnë Valurin po në Shkodër ndërsa nëse triumfojnë do të kualifikohen në play off për të tretin vit rresht.
