Ballkani në play off të Conference League, Ilir Daja pranë historisë për herë të dytë
Nga OraNews Përditësimi i fundit 17 Gusht 2023, 20:05
Vetëm një vit pas kualifikimit në fazën e grupeve të UEFA Conference League, Ballkani është sërish në play off një sukses larg kualifikimit më 32 më të mirëve të këtij kompeticioni.
Kampionët e Kosovës, edhe pa Rrahmanin tashmë të larguar, fituan 3-1 edhe në transfertën e Lincoln Red Imps për të regjistruar suksesin bindës me shifrat 5-1 pas 180 minutave.
Korenica dhe Kuc në pjesën e dytë vulosën kualifikimin e Ballkanit që në fazën tjetër me shumë mundësi do të sfidojë BATE Borisov, skuadra bjelloruse që eleminoi Partizanin nga raundi i parë i Champions League.
