Florida, 84-vjeçarja fiton “jackpot”-in prej 590 milionë dollarësh
Nga OraNews Përditësimi i fundit 6 Qershor 2013, 07:08
Një 84-vjeçare nga Florida ka fituar “jackpot”-in më të madh të dhënë ndonjëherë në historinë e llotarisë amerikane, një shumë prej 590 milionë dollarësh.Gloria MacKenzie, nënë e 4 fëmijëve, e cila ka dalë në pension në Florida, e bleu biletën në Zephyrhills, më 18 maj.Ajo preferoi të merrte një shumë të vetme, të majme prej 370 milionë dollarësh, se sa të gjithë shumën e fituar përgjatë 30 viteve të ardhshme.Ajo u shfaq në selinë e llotarisë në Tallahassee me djalin e saj, por nuk foli për reporterët. Megjithatë, në një deklaratë, ajo tha se e kishte blerë biletën në një supermarket “Publix”, falë xhentilesës së një tjetër burri, i cili e kishte lënë të hynte para tij në radhë.Shuma prej 370 milionë dollarë u reduktua në 278 milionë, pas taksave. Fituesi më i madh në lotari ka qenë për shumën e 656 milionë dollarëve, por të ndarë në 3 mënyra.
