Blerja e tretë e Interit, gjermani i U-21 pritet të mbërrijë në Milano
Nga OraNews Përditësimi i fundit 9 Korrik 2023, 08:44
Interi nuk di të ndalet në merkato por këtë herë afron një emër me perspektivë që mund të rezultojë vi rëndësishëm në të ardhmen. Bëhet fjalë për lojtarin gjerman të U-21, Yann Bisseck.
Mbrojtësi do të largohet nga Aarhus ku do të shkojnë 7 milionë euro të ndara në 2 këste. Marrëveshja është finalizuar prej shumë ditësh dhe tashmë pritet që 22-vjeçari i lindur në Koln të bëjë hapin e madh.
Ai do të mbërrijë në Milano menjëherë pas pushimeve verore që në këtë rast janë më të gjatë për shkak të pjesëmarrjes në Euro U-21. Shtatlarti do të jetë blerja e tretë e Interit pas zyrtarizimit të Thuram e Frattesi-t.
