Arsenal i pabesueshëm, kthen disavantazhin në 30 minuta ndaj Bournemouth, nuk ndalon as Manchester City (VIDEO)
Nga OraNews Përditësimi i fundit 4 Mars 2023, 18:13
Shkëlqen Arsenali në Premier League ku brenda 30 minutave rikuperon një ndeshje që mund të kishte përfunduar me dramë. “Topçinjtë” që kanë krijuar një distancë sigurie me 5 pikë ndaj kampionëve në fuqi, rrezikuan por nuk gabuan në përballjen shumë të lehtë në letër por që në fushë rezultoi tërësisht e kundërta.
Kryesuesit e Artetas regjistruan një fitore të çmendur ndaj Bournemouth, skuadra që mban vendin e parafundit të klasifikimit. Miqtë humbën 3-2 me bardhekuqtë duke u shokuar nga një gol i Nelson në minutat shtesë pasi Saka e White kishin barazuar.
Disavantazhi i dy golave të shënuar nga një në çdo pjesë, nuk i demoralizoi vendasit të cilët arritën të barazonin e më pas të kthenin në favorin e tyre këtë ndeshje shuëmë të luftuar. Vetëm 10 minuta për Granit Xhakën në këtë duel ku mungesa e tij në mesfushë u ndie jo pak.
Po sot, në ndeshjen e drekës, skuadra e Pep Guardiola-s thelloi krizën e Newcastle duke fituar me golat e Foden dhe Bernardo Silvas. Një ndeshje e kontrolluar tërësisht nga vendasit që dominuan bardhezinjtë duke i shkaktuar humbjen e tretë rresht.
Fitore minimale për Chelsean që rigjen buzëqeshjen pas shumë kohësh për suksesin e dytë të vitit 2023. Skuadra e Graham Potter kaloi 1-0 Leeds United me gol të mbrojtësit Fofana, i cili debutoi që nga minuta e parë në “Stamford Bridge”.
