Po i vrisni gratë me paramendim! Aktivistët: Dënim maksimal për Hutrën, ku janë institucionet?
Nga OraNews Përditësimi i fundit 2 Mars 2023, 19:39
Kërkojnë drejtësi për jetët e humbura të tri grave një ditë më parë nga i njëjti autor, Dan Hutra.Qytetarët dhe aktivistët apelojnë për dënim maksimal ndaj tij përballë Ministrisë së Drejtësisë.
Një ditë pas masakrës së trefishtë në Tiranë nga Dan Hutra, qytetarë e akivistë kanë protestuar përballë Ministrisë së Drejtësisë në kërkim të mbrojtes së të drejtave të grave, jetët e të cilave Hutra i mori pa menduar dy herë, ndërkohë që tre të tjera u plagosën rëndë.
"Lulet e 14 shkurtit dhe 8 marsit po na i kthejnë në lule morti. O gra po na vrasin! Shteti dhe organet e drejtësi kanë dështuar për të na garantuar jetën."
Kërkojnë dënim maksimal ndaj autorit.
"Dënim maksimal ndaj të gjitha formave të dhunës në Shqipëri që më shumë i ngjan një thertoreje."
Llogari u kërkojnë edhe grave në pushtet.
"Kush i ndalon ministreshat të jenë këtu?!"
Llogari u kërkojnë edhe qytetarëve që mbushin sheshet vetëm kur ka thirrje politike.
"Jeta e një njeriu vlen më shumë se një personazh i Big Brother".
Askush sipas tyre nuk po mban përgjegjësi për jetët e humburura, duke theksuar se nuk ekziston vullneti në vendin tonë për të parandaluar ngjarje të tilla në Shqipëri.
"I duam, të gjitha gratë e gjalla!"
