Begaj uron Ismail Kadarenë në 87-vjetorin e lindjes: Ambasadori më i mirë i identitetit kombëtar!
Nga OraNews Përditësimi i fundit 28 Janar 2023, 15:09
Presidenti Bajram Begaj ka uruar sot poetin Ismail Kadare në 87-vjetorin e lindjes.
Kreu i shtetit e ka quajtur Kadarenë ambasadori më i mirë i kulturës shqiptare, historisë dhe identitetit shqiptar.
Në një postim në Facebook, Begaj shtoi se poeti ka rritur dhe nderuar emrin e Shqipërisë në botë.
"Patëm kënaqësinë që së bashku me Armandën, t’i uronim sot ditëlindjen mjeshtrit të letërsisë shqipe, Ismail Kadare.
I përkthyer në mbi 45 gjuhë, ai është ambasadori më i mirë i kulturës shqiptare, historisë dhe identitetit tonë, shkrimtari dhe intelektuali që e ka rritur dhe nderuar emrin e Shqipërisë në botë", shprehet Presidenti Begaj në mesazhin e tij.
