Kisha Anglikane dhe Britania e Madhe dënojnë përdhosjen e varreve të Jeruzalemit
Nga OraNews Përditësimi i fundit 4 Janar 2023, 15:20
Kisha Anglikane dhe Mbretëria e Bashkuar kanë shprehur "zhgënjim" për një sulm ndaj një varreze historike afër qytetit të vjetër të rrethuar me mure të Jeruzalemit.
Më shumë se 30 varre në varrezat protestante në malin Sion u përdhosën të dielën. Kryqet u thyen dhe gurët e varrit u rrëzuan dhe u thyen.
Ekstremistët hebrenj janë fajësuar për vandalizmin.
"Ne kemi vënë re se gjuha e urrejtjes dhe krimet e urrejtjes janë në rritje," tha kryepeshkopi anglikan Hosam Naoum.
Duke qëndruar pranë varrit të vandalizuar të peshkopit të dytë anglikan të Jeruzalemit, Samuel Gobat, tha se "Ky është vetëm një tregues se ne nuk jemi në një vend ku njerëzit mund të tolerojnë njëri-tjetrin ose të pranojnë njëri-tjetrin".
Në një postim në Twitter, konsullata britanike në Jerusalem tha : "Ky është i fundit në një varg sulmesh kundër të krishterëve dhe pronës së tyre në dhe rreth qytetit të vjetër. Autorët e sulmeve me motive fetare duhet të mbahen përgjegjës."
Pamjet e kamerave të sigurisë tregojnë dy të rinj që kryejnë sulmin.
